ആദ്യം കണ്ടത്
വല്ല്യുമ്മയുടെ
ചെമ്പില്തീര്ത്ത
വെറ്റിലച്ചെല്ലത്തിലാണ്
ചെമ്പു ലോഹവും തുരുമ്പെടുക്കുമോ...?
മരിച്ചുപോയ ഉപ്പാപ്പയുടെ
വെള്ളികെട്ടിയ ഊന്നുവടിയില്
ഉപ്പിലിട്ടുവെക്കുന്ന ചീന ഭരണിയില്
എന്തിനേറെ സ്റ്റൈന്ലെസ്സ് സ്റ്റീല്
ചായക്കോപ്പയിലും
പതുക്കെ പതുക്കെ വീടാകെ പടരുന്നുണ്ട്
ഈ നശിച്ച തുരുമ്പ്..
എത്രകൊട്ടിയടച്ചാലും
കടലിലേക്ക് തുറക്കുന്ന
ജനല്പഴുതിലൂടെ
പടിഞ്ഞാറന് ഉപ്പുകാറ്റ്
എങ്ങിനെയെങ്കിലും
നുഴഞ്ഞുകയറും..