Showing posts with label കാപ്സ്യൂള്‍ കഥ.. Show all posts
Showing posts with label കാപ്സ്യൂള്‍ കഥ.. Show all posts

30.6.08

കാത്തിരിപ്പ്

നാളുകള്‍ നീണ്ട ഇന്റെര്‍നെറ്റ്
ചാറ്റിംഗിനൊടുവില്‍, അവര്‍ പരസ്പരം
കാണാന്‍ തീരുമാനിച്ചു.
പറഞ്ഞുറപ്പിച്ച സ്ഥലത്ത്
അടയാള വസ്ത്രത്തില്‍
സ്വന്തം അനിയത്തിയെ കണ്ട്
അവന്‍ തിരിഞ്ഞോടി.
അവളിന്നും കാത്തിരിക്കയാണ്.......

തയ്യല്‍ യന്ത്രം

ഉദ്യോസ്ഥനായ അയാള്‍ ഭാര്യയ്ക്കൊരു
തയ്യല്‍ യന്ത്രം സമ്മനിച്ചു.
അവള്‍ പഴന്തുണികള്‍ക്കൊപ്പം
സ്വപ്നങ്ങളും കീറിത്തുന്നി പഠിച്ച്
ഉയരങ്ങളിലെത്തി.
ഇന്നയാള്‍ സ്വപ്നങ്ങളുടെ
വെറും കാവല്‍ക്കാരനായി
പുത്തന്‍ വസ്ത്രങ്ങളില്‍
വീര്‍പ്പുമുട്ടുന്നു.

ഖബര്‍

പ്രണയിച്ചു വിവാഹിതരായ അവര്‍ ദീഘകാലം
സുഖമായി ജീവിച്ചു.
അയാളുടെ മരണശേഷം
അവള്‍ അയാളുടെ ഖബറിനോട് ചേര്‍ന്ന്
സ്വന്തം ഖബറെടുപ്പിച്ച്,
കാലങ്ങളോളം കാടുവെട്ടിയും, പുല്ലുപറിച്ചും
വൃത്തിയാക്കിയിട്ടു.
ഒരു നാള്‍
ഒരു സുനാമിത്തിരയില്‍ അവള്‍ അപ്രത്യക്ഷയായി.
ഖബര്‍ മാത്രം ആരെയോ പ്രതീക്ഷിച്ച്
ഉപ്പുവെള്ളത്തില്‍
നനഞ്ഞു കിടന്നു